"快樂無罪4"創作與籌備工作即將啟動

1988年10月，班主任鄧太說，...一個人的生存，如果能為自己，亦為別人帶來更大的幸福，那到底是有一定的意義吧...

2002年9月，"快樂無罪"1上演中，我在劇場渡過30歲…那個生日我在想，能繼續為大家/小眾帶來一點點的歡樂都OK啦...但是，才疏學淺又蛋散的我，該怎樣去繼續實踐呢?...又可堅持多久呢?...

數年下來做過的...又算得上甚麼呢?...

在五月份"復刻版"即將開始再創作前的二人會議中，相對於阿馬生的主力創作，我主要只重申希望這次的主旨是"再上路"。過渡了廿來歲強說愁與狂說笑的年紀，卅幾勾的我現在較關心的是關於"愛"與"希望"。

"復刻版"的說書人和演員s都常疑問，為甚麼詹瑞文以至外國的演員可以重覆同一個表演數十甚至數百場。我不會當任何一場演出是精選碟...我關心和希望團隊中包括自己在內和觀眾席每位新知舊雨每次都能滿載快樂回憶、滿有意義回去...

窗簾縫滲進了十月天的陽光。我閉上眼，Cool姐吼我寫信俾表姐時兜頭兜腦拍到我碌地叫我快D同阿Wing表白，然後我啦啦臨又再約四眼龜李倚靈去大角咀盧海鵬甜品屋食杏仁豆花又再問佢點算。完場後在劇照壁報版前的觀眾回應和眼神肯定了台上的一切真實發生過，肯定了我D notes由1999年Fringe Club開始到依家都真係唔適合佢。

1999年10月那幅牆那表演那情懷真的很raw，2004年11月那碌大柱真的好大碌阿Wing仍然係靚:) 我個次唔知做乜無端端回復少男式緊張:( 我有話俾阿Wing知關於大家對佢的世紀reply不知幾感動~

"復刻版"令阿馬生同劇團又向前邁進一步，也讓我重尋與更新體內一些舊有原始基因。現在，才十月頭已有近一百人等緊睇"快樂無罪4"呢三條佬今次又搞乜鬼，創作與籌備工作亦即將啟動，三角團隊仝人，努力啦笨!

往夢想的路，由始至終邊有想像咁簡單。好好保存赤子之心，一起披星戴月係咁行係咁行係咁行。

P.S. 腦海突湧現一些在PIP School學到的好好玩有又好有用的劇場遊戲，心諗頂點解沒有在復刻版綵排時帶領大家玩玩...