Those were the days ...

送給台前幕後所有出頭仔女
請好好珍惜未來十場的好日子

某一年 一班剛剛考完會考的同學約埋一齊唱K
流行曲唱到一半的時候，其中一位朋友問了隔離的位一個問題：
喂！你估下二十年後的今日我地會變成一個咩人呢？
二十年後．．．可能已經變成一個西裝骨骨的中環人，手帶勞力士，銀包有好多張信用卡，放工的時候就一齊晌酒吧度，一邊望住個煙灰盅，一邊就望住隔離檯個女仔，睇下佢條裙幾時會走光。
二十年後．．．大概終於會買了那個部好想擁有既汽車，但係仲有二十幾期要供。
二十年喇．．．應該轉過好多份工，識做的野越來越多，但係同時發覺學識越來越少。在那個時間，間唔中可能會去下gym，但係做黎做去都係減唔到個肚腩。
當然二十年來你間唔中都會諗起一段一路都未能放低的感情，女朋友越來越多，但係愛的越來越少。

細路哥　你得到什麼　你失去什麼
你知道　what are u looking for？

大概晌個時候可能會有身邊的親人離開，而個陣時
你會有好多講唔出口的遺憾，同時間你發覺原來人生已經過了一大半。
同年終於結婚喇，用左半生的積蓄俾左一層樓的首期，
有車位有泳池會所，娛樂越來越多但係快樂越來越少。
兩年後，可能會離婚，回復單身之後的一個晚上一個人晌床上面，
拎住個搖控不停咁轉台，食了兩粒安眠藥，
跟住點起支薄荷煙然後流了一滴自親人離世之後的眼淚。
突然之間你又諗起，晌二十年前，你係一個咩人．．．
係個一晚，一大班同學約埋出來唱K唱到天光，
仲記得係個朝返到屋企的時候
打開門晌檯面見到有一碗屋企人留低的湯
碗湯已經凍左喇。

細路哥　你得到什麼　你失去什麼
你知道　what are u looking for？

林海峰《細路哥II》　original story by 小克